آثارت الإعلامية بسمة وهبة الجدل خلال الساعات القليلة الماضية، وذلك بعد ظهورها منهارة من البكاء في إحدى الفيديوهات، وتطلب الاستغاثة من وزير الصحة، بسبب إهمال إحدى المستشفيات في المهندسين، والتي تسببت في تدهور حالة صديقتها الصحية المصابة بمرض السرطان. 

بسمة وهبة تستغيث بوزير الصحة بسبب إحدى المستشفيات بالمهندسين 

ونشرت بسمة وهبة فيديو لها، من خلال حسابها الرسمي عبر موقع تبادل الصور والفديوهات القصيرة إنستجرام، وتحدثت عن الواقعة بالتفاصيل. 

وقالت: "أعز صحابي والغالية عليا، مصابة بالسرطان في أماكن كتير في جسمها، والكيماوي معملش حاجة، وفيه دكتور قال إنه يقدر يشيل كل الأعضاء علشان يتخلص من الخلايا السرطانية، وشالها كل الأعضاء في الجسم زي القولون والرحم وحاجات كتير، خمس أعضاء شالهم من الجسم، لكن بعدها تدهورت حالتها أكتر بصرف النظر عن أن الدكتور عمل عملية عظيمة، تنفيذا لابتكاره واختراعه ومهارته، لكن المريض نفسه اتبهدل". 

وأضافت:"عمل معايا خناقة فهماها علشان ما أكلموش وأفهم منه تفاصيل أختي، ومصدر لينا المساعدين بتوعه.. وكان بيتعمل ليها عمليات كتير دون الرجوع لأسرتها، ووالدتها كانت بتروح تنام ترجع تلاقيهم عملوا ليها عملية ومضوها وهي تعبانة ومش قادرة وفي وضع لا يسمح أنها تمضي”.

وتابعت: “روحنا مستشفى سعاد كفافي وكل اللي فيها أساتذة ورخيصة، عكس المستشفى اللي في المهنديسن مش نضيفة والحيطان فيها نشع، والتمريض فيها صعب جدًا، واتبهدلت وخدت حاجات كتير، ولما راحت سعاد كفافي ارتاحت لأن الدكاترة في منتهى الاحترام رغم أنها مستشفى جامعي”.

واستائت من إحدى المستشفيات بالمهندسين، والتي لم تذكر إسمها: "لما دخلت مستشفى سعاد كفافي عملوا ليها شوية حاجات إسعافات، وكان المفروض تبدأ تاخد علاجات لأن عندها مياه على الرئة.. وعلشان أديها دواء أو علاج لازم أعرف المستشفى اللي جاية منها أدوها إيه والجرعة قد إيه.. وفوجئت أن المستشفى نايمة والممرضة اللي ردت عليا قالت لي الفايل مش معايا، ولما قلت لها محتاجين نلحق المريضة ضحكت، ولما طلبت منها تحولني لحد مسؤول رد عليا واحد قال لي الفايل في الأرشيف ومقفول، وممكن نعمل فايل جديد، وطبعًا كنت في صدمة من كلامه".

واستكملت:“إيه كمية الفلوس اللي بتسحبوها من المريض دي؟ ليه بتستغلوا المواقف.. يا وزير الصحة لازم يكون فيه تقنين، قننوا الفلوس اللي بتدفع بين المريض وإدارة المستشفى، ليه كل مستشفى ماشية على مزاجها.. ولو أقول لكم كم الفلوس اللي دفعتها أمها حرام”.

وأختتمت:" أنتم من الواضح أنكم مستشفى استثماري بتدور على أنها تطلع فلوس ومش مهم المريض.. سعاد الفلوس مش مهم الفلوس بالنسبة لهم ولكن مهم المريض”.