علق مطرب المهرجانات حمو بيكا على قصة اعتزاله الغناء، بعد رحيل صديقه أحمد عامر و قراره بمسح جميع الأغاني التي تجمعه به. 

حمو بيكا يعلق على حرمانية الأغاني و اعتزاله الغناء

وقال حمو بيكا في بث مباشر، من خلال حسابه الرسمي عبر موقع التواصل الاجتماعي فيسبوك: "إحنا مبنعملش حاجة غلط.. إحنا بنعمل الحاجة اللي بنحبها.. أما في ناس تانية بتعمل معاصي وفي ناس كتير بتعمل حاجات غلط.. وإحنا مابنجيش على حد، ولا بنضر حد.. وأنتم عارفين مين المؤذي.. وبنحمد ربنا في كل الأحوال". 

وعن خبر اعتزاله:" معرفش ليه الخبر ده منتشر.. أنا مبعملش حاجة غلط! لما مسحت أغاني أحمد عامر عشان هو في ذمة الله، والمفروض ميكنش ليها وجود عندي، إنما قصة اعتزالي المنتشرة دي مش حقيقية. إحنا مش بنعمل حاجة حرام، ده أكل عيشنا، وفي 25 فرد فاتحين بيوت من ورانا.. وربنا هو اللي هيحاسبنا مش أنتم". 

وأوضح: "إحنا مش مرتاحين.. إحنا ناس بتتعب ونشقى.. كافحنا وشقينا، واللي إحنا فيه مش من فراغ. أنا اشتغلت حاجات كتير أنت ممكن متتخيلهاش.. وكله بالحلال. الغناء حاجة بنحبها ومش هبطل أغني، ومش هبطل أعبر عني أو عن غيري بطريقتي". 

وأختتم:"الحمد لله إحنا عارفين ربنا كويس وبنصلي.. ومبنعملش حاجة غلط. وقفنا الشغل وطرح الأغاني احتراما لوفاة أحمد عامر، لكن مش هنعتزل لأن دي لقمة عيشنا وكلنا أموات ورايحين".