ردت مخرجة فيلم ريستارت بطولة الفنان تامر حسني والفنانة هنا الزاهد، والذي يُعرض حاليًا في السينمات ضمن أفلام عيد الأضحى علي الانتقادات الكبيرة التي تعرض لها فيلم ريستارت من الناقد الفني طارق الشناوي، حيث وصف العمل بأنه فارغ.

مخرجة فيلم ريستارت توجة رسالة لـ طارق الشناوي

وكتبت سارة وفيق من خلال حسابها الرسمي عبر موقع التواصل الاجتماعي “فيسبوك”: "استاذ طارق الشناوي في فرق كبير بين الإهانة وبين النقد حضرتك بتقول ان مفيش موضوع في الفيلم ودي حاجه ضحكتني جدا لان احنا بنتكلم عن موضوع الساعه موضوع العصر اكبر موضوع بيهمنا ويخصنا حاليا  
كلامك فكرني بمشهد في الفيلم للفنان محمد ثروت وهوه بيقول انا أعمل اي حاجه عشان ابقي تريند ( احنا خدامين التريند ) وسمع كلام الچوكر ( الفنان باسم سمره ) اللي بيشتغل لاغراض ناس ،،، مبروك يا استاذ طارق عرفت تبقي تريند من غير ما تنقد الفيلم .. تخبط في القائمين علي العمل بعيد عن العمل نفسه ولا اتكلمت عن إيجابياته ولا سلبياته".

وأضافت: "لا ههاجم اشخاص وبكده هطلع تريند بسرعه ده موضوع الفيلم اللي انت مافهمتوش أصلا ولا هو جالك ع الجرح ؟؟.. و على فكره انا كمان بعرف اعمل تريند و هنطلع تريند انا وانت ،، بس أنا علي حق وهمنشنك عشان تظهر بسرعه".

وتابعت: "انت بتقول ان اغنية المقص عجبتك بس هي مش داخل الفيلم لا يا استاذ طارق الاغنيه في الفيلم بس شكل اللي بيمليك اتلخبط ، ادخل شوف الفيلم اللي انت مشوفتوش و احكم عليه بنفسك وبلاش الأفكار السطحيه اللي بتقولها علي كل الأفلام لانك لو شوفت ريستارت فعلاً كنت هتعرف ان قصته اهم ما فيه".
‎ 
واختمتت: "و بعدين حضرتك بتتكلم عن أدوات المخرج والمؤلف ولم تستخدم أدواتك كناقد فني ياريتك قولت حاجه نستفيد بيها بدال مانت طالع ترمي افيهات و افيهات وحشه كمان الرقم  اللي متحقق جوه مصر و برا مش مجامله يا استاذ طارق ده الجمهور الحقيقي اللي بنخاطبه دول مش ولاد اختي مثلاً    
الفيلم لسه نازل ود".