علقت الإعلامية ميار الببلاوي، عن أزمة أحمد السقا والإعلامية مها الصغير بعد خبر انفصالهما والتي أثارت حالة من الجدل على مواقع التواصل الاجتماعي خلال الأيام الماضية .

وكتبت ميار عبر صفحتها الرسمية "فيس بوك" "مش عارفه انام من زعلي على أخويا وعشرة عمرى احمد السقا والله مبالغ لأنى عارفه أحمد كويس أوى حتى لو السنين بعدتنا وعارفه احساسه يا قلبى دلوقتى الفروسية الى فى شخصيه أحمد مش بيطاهر بيها يا جماعة هو فعلا جواه فروسية  نادره فى الزمن ده راجل بيته حنين على مراته وولادة لسه فاكره اليوم الى شاف فيه مها وقرر يخطبها وكنا بنصور مسلسل رد قلبى فى استوديو الاهرام وانا رامز كنا قاعدين بنحفظ مشهد دخل وقالى ميوره عاوزك  قلتله فى ايه خضتنى وساعتها كان صاحبه اوى الفنان الجميل اخونا خالد محمود قالى باركى لاخوكى قلتله ليه مسلسل جديد قالى لا هخطب مها الصغير قلتله يا شيخ قالى اه وبحبها اوى قلتله دى قمرايه وباباها اخلاق وكلنا بنحبه  فعلا وشه كان بيتنطط من الفرحه ".

وأضافت" مرت السنين وطلعنا الحج سوا وكانت معانا مها خوفه عليها واهتمامه بيها والله شهاده حق راجل بمعنى الكلمه وهى كانت جميله وكيوت وتسمع كلامه وتحترمه فى ايه يادنيا دول 26 سنه وشباب وبنوته  الله يربط على قلبك يا قلب اختك مقلناش حاجه حقها ترتبط بعد الطلاق ".

وتابعت "بس  حرقة قلبه دلوقتى مش عليها على ولاده وصدمتهم فى امهم  رغم انها معملتش حاجه غلط بس فى اعتبارات  وكلمتى ليك يااحمد ادعى وانت على جبل عرفات ان يؤجرك الله فى مصيبتك ويخلفك خيرا منها والى بيمشى هو الخسران او الكسبان حاجه ترجعله ترجع بالسلامه يا فارس الفرسان ".

واختتمت "ازمه وتعدى وياما دقت على الراس طبول ياحبيبى  وانت قدها وادود ركز فى حجك وترجع ربنا هيراضيك وكل سنه وانت فارس وجدع وسيد الناس". 

علي جاني آخر كان أثار الفنان أحمد السقا جدلا واسعا على مواقع التواصل الاجتماعي بعد توجيهه رسالة غامضة بعد أنباء ارتباط طليقته الإعلامية مها الصغير من الفنان طارق صبري.

وكتب عبر صفحه منسوبة له على موقع التواصل الاجتماعي الفيسبوك: “باي باي يا اكبر كدبه ف حياتي واحذريني عشان نفد (صبرى) وهابقى دمى تقيل ورب السماء (الطارق ) بای یا مش لاقي كلمه أقولها لانك ليكى تمن واللى لى تمن رخيص مهما غلى”.

جدير بالذكر، أثار خبر انفصال النجم أحمد السقا عن زوجته الإعلامية مها الصغير، بعد زواج دام نحو 26 عامًا، تفاعلًا واسعًا بين الجمهور، خاصة بعد أن أعلن السقا الخبر بنفسه عبر حسابه الرسمي على موقع "فيسبوك"، في بيان رسمي كشف فيه تفاصيل الانفصال.

وأكد "السقا" أن الانفصال الفعلي وقع منذ 6 أشهر، فيما تم الطلاق الرسمي قبل شهرين فقط، مشيرًا إلى أن الفترة الحالية في حياته مكرسة لأبنائه الثلاثة، وعمله الفني، ودائرة المقربين منه، بما في ذلك أسرة طليقته.

ووجّه "السقا" رسالة تقدير لمها الصغير، قائلاً: "كل تمنياتي لأم أولادي بالتوفيق والستر، وأرجو من الجميع عدم الحديث في هذا الأمر، سبحان مقلب القلوب ومبدلها.. شكرًا."

وتابع في منشوره: "تأخرت مها في إعلان الخبر، وفي ذلك احترام ورقي يُحسب لها، وهي صاحبة القرار في التوضيح من عدمه أتمنى لها كل السعادة والنجاح في حياتها المقبلة."