خرج الفنان مسلم عن صمته، ورد عبر بث مباشر على صفحته الرسمية بموقع "فيسبوك" على الجدل المثار مؤخرًا بعد تداول مقاطع من حفل زفافه ظهر فيها مع البلوجر أروى قاسم، والتي أعقبتها تصريحات مثيرة منها أثارت موجة من الانتقادات.

وقال مسلم في البث: "كنت بحترم أروى جدًا وكنت شايفها زي أختي الصغيرة، استقبلتها بحب واحترام، ولما قبلت إيدها كان نابع من شياكة مش أكتر، مش منطقي أبدًا أعاكس حد يوم فرحي! اللي حصل كان بنية صافية، واتصدمت من رد فعلها بعد كده."

وأضاف: "أروى معروفة بالنسبة لي من زمان، ولو كان في حاجة بينا، كانت ظهرت قبل كده، أنا إنسان ملتزم، ويارا مراتي عارفة ده كويس، أنا مش من النوع اللي يعاكس أو يقرب من أي حد، وخصوصًا في يوم زي ده اللي كان بالنسبالي أهم لحظة في حياتي."

ودافع مسلم عن زوجته يارا، قائلًا: "مراتي مش زي ما بيتقال، دي أنضف إنسانة شفتها، وبعدتني عن حاجات كتير غلط. هي لا ليها في الكلام اللي اتقال، ولا اتجوزت ست مرات زي ما الناس أشاعت. دي أول جوازة ليها."

ووجه رسالة مباشرة إلى أروى قاسم في نهاية البث، قائلًا: "انتي بنت، وكان لازم تخافي من إنك تتكلمي في أعراض الناس. مش غلط نختلف، لكن الغلط في الطريقة اللي حصل بيها ده."

وكانت الأزمة قد بدأت بعد تداول فيديو يظهر تفاعلًا بين مسلم وأروى في حفل زفافه، ما دفع زوجته يارا تامر للرد عبر حسابها على إنستجرام بصورة من الزفاف، كتبت عليها: "ربنا ما يحرمني منك يا نور عيني.. أنت كل حاجة ليا، وسندي وضهري، ربنا يسعدنا ويبعد عننا العين والناس الحاقدة."