أعلن حازم إمام عضو لجنة التخطيط بنادي الزمالك، رحيله عن منصبه بالنادي، وذلك عقب التعاقد مع جون إدوارد المدير الرياضي الجديد خلال الساعات القليلة الماضية بصورة رسمية.

حازم إمام يعلن رحيله عن لجنة التخطيط بـ الزمالك 

وقال حازم إمام في تصريحات عبر راديو أون سبورت: «بخصوص لجنة التخطيط خلاص مبقناش موجودين ومبقاش لينا دور ومفيش حاجه اسمها لجنة تخطيط، الموضوع انتهى تمامًا و حاليًا مش متواجدين سواء أنا ولا الأستاذ عمرو الجنايني وميدو كان كتب كمان، ولن نتواجد في لجنة التخطيط بالنادي، وكل التوفيق لمجلس الإدارة وكل التوفيق لجون إدوارد لو فى حاجة استشاري أكيد مرحب في أى وقت».

جون إدوارد المدير الرياضي لنادي الزمالك 

وتابع: «شوفت بوست لـ كابتن ايمن الرمادي في منتهى الجمال وكأنه واحد من أبناء الزمالك وإنه مش هيشتكي علشان مستحقات وكان كلامه محترم جدا وربنا يوفقه».

وتابع: «النهارده المدرب الجديد لنادي الزمالك، يانيك فيريرا وصل واعتقد هيتقدم النهارده أو بكره بالكتير وكل التوفيق، الفكرة اللي موجوده اتمنى ليها التوفيق مدرب كويس اشتغل فى الدوري البلجيكى والدوري السعودي عارف المنطقة العربية وصغير فى السن هو ال staff هياخدوا الأربعة تقريباً 50 ألف دولار».

واختتم: «تحدثنا سابقا في حالة التعاقد مع مدير رياضي، لن يكون لنا أي دور، وفي حاجه مش هقول بتضايقني، لكني مش مبسوط منها لما اطلع اتكلم في حته، الناس حصراني في حته حازم إمام عضو لجنه التخطيط، كأني بقول حاجه من جوا الزمالك».