تداول رواد مواقع التواصل الاجتماعي فيديو نشرته سيده تستغيث فيه من أعمامها لقيامهم بالاعتداء على والدهم "المسن" بسبب الميراث في كفر الشيخ.

وكتبت صاحبة الحساب الذي نشر الفيديو على مواقع التواصل الاجتماعي في استغاثتها التالي: "بابا عنده ستين سنة، ومريض ضغط وسكر، ومن فترة كتب لنا نصيبه فى البيت لأننا 4 بنات، ودائما فى خلاف مع أعمامنا علشان بابا فتح لنا بيته، لكن أعمامنا مش عايزينا نروح عند بابا، ولا أزواجنا برضه.

وأضافت: "تعدى أعمامي على بابا بالسب والقذف، ومش بابا بس، لا كما تعدوا على والدتي كمان، واحنا الـ4  بنات أيضًا، وقالوا لنا محدش يدخل هنا تاني، وفى إحدى المرات تم طرد أبى من البيت وكسروا علينا الجدار من الشقه اللي جنبنا".

وتابعت: وكل حاجة بإثبات جايبين كلب حاطينة عند المدخل علشان يمنعونا من الدخول، والنهارده واحنا رايحين عند بابا عمى منعنا احنا ورجالتنا من دخول البيت، وبابا نزل وقاله هيطلعوا وملكش تمنعهم، فانهال عليه ضربا أمام أعيننا، وكسروا له أسنانه، وكسروا زجاج العربية.

وذكرت أن والدها راح يعمل محضر فى قسم الشرطه لكن التانى سبقه على هناك علشان يكون محضر ضد محضر، ما يستحضر المثل الشعبي القائل: “ضربني وبكى وسبقني اشتكى”.

واختتمت صاحبة الحساب استغاثتها قائلة: فين حقنا، بابا مريض سكر، ومن العصر بينرفزوه، مطالبة بإنقاذهم من بطش أعمامهم وظلمهم لهم ولأبيهم بسبب الميراث.

وتواصل موقع مصر تايمز مع أحد أهالى القرية، حيث أوضح أن هذا الفيديو قبل أكثر من شهرين من الآن وتم التراضى بين الطرفين وإنهاء الخلاف.