حلّ نقيب المهن الموسيقية مصطفى كامل ضيفًا على الإعلامية ياسمين عز في برنامج "كلام الناس" على قناة MBC مصر، حيث كشف تفاصيل مكالمته مع الفنان راغب علامة، وتحدث بصراحة عن كواليس الأزمة التي أثارت الجدل مؤخرًا بعد قرار منع راغب علامة من الغناء في مصر، بالإضافة إلى رده على تعليقات الجمهور حول الأخطاء الإملائية في بيان النقابة.

مصطفى كامل لـ راغب علامة: "إنت اللي حاطط نفسك في الموقف ده"

قال مصطفى كامل خلال اللقاء:"راغب قال لي: دي البنت اللي غلطت مش أنا"رديت عليه وقلت له: يا راغب إحنا بنتكلم كأصدقاء.. دا شكل إنت اخترت تمشي فيه، وإنت اللي حاطط نفسك في الإطار ده، متخلّيش الموضوع يبان إنه بسبب البنت بس. دي واحدة طالعة ونازلة، والفيديوهات واضحة."

وأضاف أنه بعد المكالمة تم الاتفاق على إنهاء الأزمة وطيّ الصفحة، وقال:"بعت لي فويس نوت فيه كل الاعتذارات لكن بعدها بيوم خرج راغب وقال إنه زعلان من النقابة! وده معناه إنه مفيش احترام للاتفاق."

مصطفى كامل يرد على الانتقادات بشأن بيان النقابة: “الناس دي مأجورة” وبخصوص الأخطاء الإملائية في بيان منع راغب علامة من الغناء، والتي أثارت سخرية على مواقع التواصل الاجتماعي، رد مصطفى كامل قائلاً: "الناس اللي بتتكلم عن البيان مأجورين.. البوست بـ 500 جنيه. دي مزايدات مالهاش معنى، وناس بتشتغل للهدم مش البناء."

 مصطفى كامل يمازح ياسمين عز: "ينفع أبوسك في شغلك؟"
في ختام الحديث، وجّه مصطفى كامل سؤالًا ساخرًا لياسمين عز قائلاً:"تسمحيلي أبوسك أو أحضنك في مكان شغلك؟" لترد ياسمين بحسم:"لا طبعًا"، فقال مصطفى:"بالضبط، كل مكان له شغله وله احترامه وقدسيته.