خرج الفنان الشاب آدم الشرقاوي عن صمته، وكشف عبر حسابه الرسمي على إنستجرام تفاصيل غيابه عن الساحة الفنية خلال العامين الماضيين، مؤكدًا أنه ابتعد بسبب مشاكل صحية خطيرة ناتجة عن زيادة الوزن.

وقال آدم الشرقاوي في منشوره:"بقالي فترة طويلة مش بنزل حاجة على السوشيال ميديا، وده لأن كنت محتاج أخد بريك. من سنتين وصلت لوزن 110 كيلو (250 رطل)، وبدأت أعاني من صعوبة في التنفس، وضباب ذهني خلاّني مش قادر أفتكر أيام حياتي بشكل واضح".

تدهور الحالة الصحية وظهور أعراض خطيرة

وأوضح الشرقاوي أن وزنه الزائد تسبب له في سلسلة من الأعراض الخطيرة، حيث قال:"كنت مش قادر أقف بسبب آلام المفاصل، وجالي جلطات في رجلي، وكان جسمي كله منتفخ نتيجة مشاكل في الكلى، وكنت فعلاً مش طايق نفسي، ولا بعرفني وأنا ببص في المراية".

رحلة تعافي آدم الشرقاوي: خسارة 30 كيلو وعودة للحياة

وأكد آدم الشرقاوي أنه خضع لرحلة علاج وتحول صحي شامل، موضحًا:"الحمد لله دلوقتي وصلت لوزني الطبيعي 80 كيلو (180 رطل)، وبقيت في أحسن حالاتي صحيًا ونفسيًا. ماعنديش ضباب دماغي، حاسس إني رياضي وكل أعضائي شغالة تمام".

شكر وامتنان للجمهور والداعمين

واختتم منشوره برسالة شكر وامتنان، قائلاً:"حتى وأنا في أسوأ ظروفي الصحية، ربنا رزقني بفرص ما كنتش أحلم بيها، ولما اتحسنت حالتي قررت أستغلها. بشكر كل حد دعمني، وشاكر للتجربة اللي عدّيت بيها لأنها غيرتني، وخلتني أشوف الحياة بشكل مختلف وأقوى من الأول".