كشف مطرب المهرجانات عمر كمال عن موقف مؤثر عن المطرب الراحل أحمد عامر، مشيرا أنه رفض المشاركة في مسلسل العتاولة لأداء أغنية ولكنه رفض لاستعداده القيام بالعمرة، مؤكدا أنه لن يؤجل ميعاده مع الله.

وكتب مطرب المهرجانات عمر كمال على موقع التواصل الاجتماعي الفيسبوك: "من باب أذكروا محاسن موتاكم .. هحكى موقف عن النقى النضيف المحترم أحمد عامر .. رمضان اللى فات "مسلسل العتاولة" طلبوا أحمد عامر يعمل اغنية داخل المسلسل".

وتابع: “وكانوا طالبينه بالأسم يعنى مش رايح بدال حد أو مزنوقين في مطرب شعبى فاجابوه لا المشهد كله معمول عشانه.. يوم تصوير المسلسل كان يوم سفره للعمرة.. ورفض المسلسل مع إن ده كانت هتبقى أول فرصة ليه للظهور في التلفزيون للناس كلها”.

وأضاف: “وكانت فرصة ظهور كبيرة ف مسلسل كبير بيشوفه الوطن العربى كله.. لكن أحمد رفض الفرصة وكان ممكن يأجل العمرة يوم أو يومين لكنه قال مش هأجل معادى مع ربنا هو عاوزين يستنو لما أرجع ماشى لكن أنا مش هأجل العمرة بتاعتى ألف رحمة ونور عليك يا أحمد”.