علق مطرب المهرجانات المعتزل فارس حميدة على تصريحات حمو بيكا الأخيرة عن رجوعه عن قرارات في اعتزال الغناء، بعد رحيل صديقه أحمد عامر و قراره بمسح جميع الأغاني التي تجمعه به. 

وكتبت فارس عبر حسابه الرسمي على موقع التواصل الاجتماعي الفيسبوك: “سمعت فيديو حمو بيكا وهو بيقول : انا ما مسحتش المهرجانات اللي عندي انا والمرحوم احمد عامر علشان حرام ..انا مسحتها عشان خلاص دا راجل اتوفى وملهاش لازمة.. وبيقول أنا ما عتزلتش ومش هعتزل احنا مش بنعمل حاجة غلط ولا بنعمل حاجة حرام” .

وتابع: "يعني ما مسحتهاش عشان حرام .. يعني كنت بتاخد اللقطة يعني ولا اي؟ ما يا جماعة انا عاوز اقولكم إن اصلا المهرجان ولا الاتنين اللي كانوا عند حمو بيكا حجات مش جايبة مشاهدات يعني ولا عاملة ترندات".

وأضاف: “يعني ياعم بيكا لو كانت مهرجانات من اللي جايبة ملايين المشاهدات عندك كنت هتمسحها بردو؟!”.

وأشار: "طب ما تمسح المهرجانات اللي فيها على قدورة ما الراجل تاب وتبرأ منها واظن ملهاش لازمة وجوده في المهرجانات بردو! ثم إن هو اي اللي مش حرام ؟!".

وأكمل: “دا لو انت هتتكلم مثلاً زي اللي بيتكلموا في خلاف تحريم الموسيقى علشان يرضوا هواهم فا انتم كل اللي بتقولوه حرام تحريضاتكم وإيحائتكم الجنسية وكل حاجة بتعملوها حرام في حرام ..مبتعملوش حاجة غلط؟؟؟”.

واستطرد قائلا: “كبريهات ديسكوهات مخدرات رقصات اختلاط حريم على رجالة زنا علاقات محرمة بتاكلوا في بعض لأجل المصلحة وما خفي كان اعظم واللي شاف مجال العوالم ودخل جواه هيعرف اللي بقوله وهيعرف إن ما خفي كان اعظم .. لو دا مش غلط امال اي الغلط ياعم حمو ؟؟”.

وأكد: “مش المصيبة إنك ترتكب ذنب او تعصي الله ..المصيبة انك تستحل دا وانك ترضي هواك إن دا مش غلط فتكمل في المعصية وانت مطمن ..بل تطلع تضل الناس كمان انت اعمل اللي انت عايزه لكن ما تضلش الناس لان اللي عندك ومتابعينك اكترهم ممكن يصدق كلامك ويصدق إن فعلاً انتم مبتعملوش حاجة غلط”.

واختتم كلامه: “انا برد علشان استنيت حد يقول الكلام دا وللاسف ما حدش قاله ..  إِن أُريدُ إِلَّا الإِصلاحَ مَا استَطَعتُ وَما تَوفيقي إِلّا بِاللَّهِ عَلَيهِ تَوَكَّلتُ وَإِلَيهِ أُنيبُ” .