وجهت الإعلامية رضوي الشربيني رسالة مؤثرة للمطربة شيرين عبد الوهاب وذلك عقب أزمتها بمهرجان موازين مؤخرا بسبب غنائها بخاصية البلاي باك.

وقالت رضوى خلال برنامجها "هي وبس"  "الناس زعلانة منك أوي ، وزعلانة عليكي أكتر، على كل الأغاني اللي كانت قوة ستات سند لبنات كتير، وأنا واحدة منهم وأنا من جمهورك".

وتابعت" خلتني أحس قد اية اني شخص قوي فانتي أقوى من الموقف ده حتي لو الموقف صعب انتي الست اللي قالت أنا كتير أنا كل حاجة وعكسها، وعندك كلمات من الأغاني عمره ما كان مجرد فن، ده كان طوق نجاة لناس كتير".

وأضافت" "ارجوكي متسمعيش للناس اللي بتنتقد،علشان عايزين يوقعوكي ،أسمعي للناس اللي بتقولك الموقف الحقيقي اللي كنتي فية علشان تخرجي منه ".

واختتمت حديثها " أنتي ربنا مديكي حب الناس لله في لله إنتي أقوى من أي موقف، حتى لو كان صعب، أنا عايزة أبقى كده كفاية كده.. لو اللي حوالينا بيأذونا، حتى لو كانوا قريبين، يبقى لازم نحب نفسنا الأول".

وكانت تعرضت الفنانة شيرين عبد الوهاب لـ كثير من الإنتقادات أثناء حفلها في مهرجان موازين، الذي أُقيم مساء يوم الأحد الموافق 29 يونيو بالمغرب، وذلك بعد غنائها بخاصية “البلاي باك” مما أغضب الجمهور، الذي يُريد سماع صوتها، حيث طالب منها أن تقوم بالغناء بصوتها الحقيقي، وبعض الجمهور الآخر مغادرة الحفل، وقامت شيرين بالإنسحاب من المسرح، حيث طلبت استراحة قصيرة.