وسط حالة من الحزن التي خيمت على أهالي قرية كفر السنابسة التابعة لمركز منوف بمحافظة المنوفية، خرجت والدة "ميادة" إحدى ضحايا حادث الطريق الإقليمي المروع، لتروي تفاصيل الأيام الأخيرة في حياة ابنتها، التي لقبها الأهالي بـ"عروسة الجنة".

حادث الطريق الإقليمي

وظهرت والدة "ميادة" إحدى ضحايا حادث الطريق الإقليمي المروع، في بث مباشر على موقع "مصر تايمز"، قائلة: "قبل الحادث بـ3 أيام، كانت ابنتي قاعدة من الشغل، وأنا كنت بروح مكانها أشتغل في محطة العنب (السعد)، وفي يوم وأنا رايحة الشغل، وصلت لنص الطريق ورجعت تاني، معرفش أنا رجعت ليه، واستغربت من نفسي، وتاني يوم نفس اللي حصل، نزلت الشغل ودماغي مش فيا، ورجعت تاني، مكنتش عارفة إن ربنا بيرجعني علشان أودعها".

وأضافت: "ميادة كانت تشتغل علشان تجهز نفسها للجواز، وكل يوم تنزل تشتري حاجات، وكنت بقولها كفاية يا بنتي، تقولي لسه ناقص حاجات، وفي مرة زعلت مني لما قلتلها مش هاجيب حاجة تاني، وقبل الحادث بيوم فاجأتها وجبتلها اللي كانت عايزاه… ملحقتيش تفرحي بيهم يا بنتي".

وتابعت: "في آخر يوم في حياتها، نزلت الشارع وقعدت مع أصحابها والجيران، وفضلنا ننادي عليها تطلع، تقول حاضر ورافضة تطلع، أبوها رن عليها، كنسلت عليه، وسألوها اصدقاءها قالت لهم: بصراحة مش عايزة أطلع".

وأوضحت الأم أن ميادة لم تذهب إلى العمل لمدة 3 أيام قبل الحادث، لكنها قررت الذهاب في هذا اليوم تحديدا بناء على رغبة من زملائها الذين أرادوا الاحتفال بها قبل زفافها، المقرر إقامته يوم 1 أغسطس.

واختتمت والدة ميادة حديثها بمناشدة للمسؤولين قائلة: "عايزة حق بنتي.. لازم المتهم يتحاسب.. ميادة ماتت مظلومة وهي رايحة على أكل عيشها، مش راجعة في كفن".