تصدرت المطربة مي فاروق ترند جوجل بعد احتفالها بتخرج نجلتها من المدرسة، حيث حرصت على مشاركة جمهورها فرحتها بنجاح نجلتها معبرة عن سعادتها بنجاح هي من خلال رحلتها الطويلة التي خاضتها في التعليم والتربية مشيرة أنها حققت أهم انجاز لها.

ونشرت عبر حسابها الرسمي على موقع التواصل الاجتماعي لتبادل الصور والفيديوهات الانستجرام "امبارح كان يوم من احلي ايام عمري يمكن يكون أحلي لحظه في عمري كنت مستنيه اليوم ده من اول يوم مدرسه لزينه".

وتابعت: “وبما انكم اهلي وحبايبي لازم أشارككم زينه كبرت وفرحت قلبي واتخرجت من المدرسه وبقت عروسه في الجامعه خلاص، انا مش عارفه اوصف قوي الشعور بس أنا نجحت أنا اللي نجحت كبرت وربيت وفرحت بأكبر واهم إنجاز”.
 

وأضافت: “زينه لازم اقولك قدام الدنيا أنا فخوره انك بنتي وحبيبتي فخوره بنجاحك رغم كل حاجه واي حاجه ممكن تكون عدت علينا ومتشرفه انك انتي ومالك ولادي يارب اشوفك انجح واهم واعلي دايما واعيش واشوفك بتحققي كل احلامك وافرح اكتر منك”.
 

وعبرت عن حبها وسعادتها وقالت: “بحبك ومبرووووووووك يا إنجازي الاهم في الدنيا انتي ومالك ربنا يحفظكم ويخليكم ويفرح قلوب كل الأمهات ويحفظ كل الولاد والبنات يارب وشكرا يا محمد ياحبيبي من كل قلبي انت نعم الرجل والسند حقيقي”.

وأكملت: “شكرا من قلبي الاستاذه شاهيناز شحاته حبيبتي وعشرة العمر علي كل حاجه وعلي تعبك وحبك وأمومتك للولاد وعلي إدارتك مدارس مصر للغات الصرح الكبير ده اللي اتشرفت اني أنا ولادي جزء منه بحبك قوي”.