يري أحمد مرتضى منصور عضو مجلس إدارة نادي الزمالك السابق أن هاني شكري عضو مجلس إدارة الزمالك الحالي مطالب بالاعتذار لجماهير الأهلي بعد واقعة الفيديو المسرب له ويتضمن إساءة لجماهير القلعة الحمراء .

وقال أحمد مرتضى خلال تواجده ضيفا مع عمر ربيع ياسين ببرنامجه مان تو مان عبر صفحته الرسمية:"قولت لهاني شكري لازم تعتذر لجمهور الاهلي .. قعدة الصحاب حاجة وكون أن يكون امامك كاميرا وانت مسئول دي حاجة تانية"

ويضيف أحمد مرتضى :"مش لازم نقطع هاني شكري هو يطلع يعتذر وبشياكة والموضوع ينتهي ..انا من أنصار نستر علي الناس خاصة أن كل شوية تلاقي كاميرا وراك في اي حتة بتسجلك "

وأكمل أحمد مرتضى منصور :"لما تكون مسئول في نادي الزمالك الأمور بتختلف كل تصرفاتك لازم تكون محسوبة عشان انت بتمثل نادي كبير هو الزمالك وانا كنت بعمل كدا وبهتم بنفسي وشكلي مع أي ظهور ".