سخر الفنان عمرو وهبة من الشركات العقارية في مصر، مشيرًا إلى غلاء الأسعار لـ أسباب بسيطة كتعطيش "الجيم"، ليصبح الاسم أكثر تمدنًا. 

عمرو وهبة يسخر من سعر وأسماء العقارات في مصر

ونشر عمرو وهبة، فيديو من خلال حسابه الرسمي عبر موقع تبادل الصور والفديوهات القصيرة إنستجرام، وقال:"ازاي نسمي اسم كومباوند عندنا هنا في مصر، الموضوع طلع سهل جدًا بمعادلة سهلة، هات اي كلمة فيها حرف الجيم سواء في أولها او نصها او آخرها، وعطش الجيم يعني خلي الجيم چيم حتي لو الكلمة متنفعش". 

وأضاف:" مثلا كلمة مجاري، أكيد محدش هيسمي الكومباوند بتاعه مجاري، لكن عطشها خليها مچاري.. تخيل ادفع في مچاري 5 في الميه واعمل تقسيط 8 سنين، انت دفعت واقتنعت اهو". 

وتابع: "مثلا جربان خليها چربان، مثلًا في الساحل عايز تعمل حاجه جديدة خلي جربوع چربوع يارب تلاقي مكان صف رابع حتى". 

في وقت سابق، علق الفنان عمرو وهبة على احتفالات فريق كرة القدم بيراميدز لاعبو بفوزهم ببطولة الدوري علي سيراميكا كليوباترا، في اللقاء الذي أقيم مساء اليوم الأربعاء.
ونشر عبر صفحته الرسمية على موقع التواصل الاجتماعي الفيسبوك: "الفيفا لما تبعت تسأل مين اللى اخد الدورى فى مصر".