استضاف برنامج "الستات ما يعرفوش يكدبوا" المذاع على قناة "CBC" الفنانة الشابة فاطمة عادل للحديث حول أحدث أعمالها الفنية.

وقالت فاطمة عادل، :"انا مبخفش من الكاميرا لأنى بعمل اللى عليا، وقدمت عروض على الطبلة والرقص وتدربت على المكياج، والقرآن لتعليم مخارج الحروف والألفاظ، ووالدتى ربنا يخليهالى دايمًا في ضهري وبتقف معايا واخواتي ووالدي وزوجي كمان المخرج ياسر عطية".

أضافت فاطمة عادل، :"قدمت فيلم "ليه تعيشها لوحدك" مع الفنان خالد الصاوى، وأنا قبل أى حفلة على المسرح أو أى مسرحية برتعش وضغطى بينخفض، وبكون خايفة وقلقانة ومبحبش اتفرج على نفسى بعدها".

تابعت فاطمة عادل: "بغنى وأمثل وبرقص، ولكن طموحى أقدم أدوار تليق بالجمهور وييجى يتفرج عليها ويكون حاجة ليها قيمة وتبسطهم".