تحدث تامر عاشور عن تفاصيل إنهاء الأزمة والخلاف بينه وبين الملحن عمرو مصطفى، خلال لقائه مع الإعلامية إسعاد يونس ببرنامج "صاحبة السعادة" على قناة "DMC"، كما قدم أغنية "لمستك نسيت الحياة" لعمرو مصطفى.
تامر عاشور
قدم المطرب تامر عاشور أغنية "لمستك نسيت الحياة" للملحن عمرو مصطفى، مشيرًا إلى أن "التجربة دي علمتني أن مفيش حاجة تستاهل خاصة واننا فقدنا ملحن مهم وكبير زي محمد رحيم والمناوشات اللي زي دي مالهاش لازمة سواء مين اللي غلطان فينا لان القلوب أطيب من اللي بيبان للناس".
كما تطرق في الحديث عن زيارته للملحن عمرو مصطفى بعد الأزمة الصحية ووصف أنها كانت ساذجة، وقال "روحتله، وقعدت معه وقابلته وسلمت عليه وقعدنا نتريق على اللي إحنا بنعمله وبنرد على بعض".
الخلاف بين تامر عاشور وعمرو مصطفى
كشف المطرب تامر عاشور عن كواليس الخلاف بينه وبين الملحن عمرو مصطفى.
وقال عاشور: "كان فيه خلاف بيني وبين عمرو مصطفى، ولما عرفت الأزمة الصحية اللي مر بيها رحت سلمت عليه وقعدنا نتريق على اللي كنا بنعمله ونرد على بعض وكله كان هبل وشحنات على الفاضي".
وأكد تامر عاشور: عمرو مصطفى الكل يعرفه أنه طيب وقلبه أبيض وهو موهوب في اللحن ومميز، ونفسي نرجع نشتغل مع بعض، خاصة أننا عملنا أغنيتين كسروا الدنيا، هم، "الرك على النية" و"انطق بقى المستخبي بان".
0 تعليق