هاجم الإعلامي شريف مدكور بعض الأشخاص الذين يقترضون المال من أقاربهم أو معارفهم من أجل أداء فريضة الحج، معبّرًا عن دهشته من تقبّل البعض لفكرة الحج على نفقة الآخرين، بينما هناك من يجتهد لسنوات طويلة لتوفير تكاليف الرحلة.

وكتب مدكور منشورًا عبر حسابه على "فيس بوك" قال فيه: "بستغرب جدًا من اللي بيروح يحج على حساب حد تاني، ويقعد في برج الساعة! مش بتستحوا من ربنا؟ في ناس بتحوش طول عمرها علشان تحج، وبيتعبوا وبيتنازلوا عن راحة كتير، وممكن يناموا في الشارع... سبحان الله."

وفي جانب آخر، تحدث شريف مدكور عن سبب عدم أدائه للصلاة في المسجد، موضحًا:"مش بصلي في الجامع علشان مبعرفش أركز وسط الدوشة، بفضل أجهز نفسي قبل الصلاة، مش بعمل يوجا، بس بقفل الموبايل وبنام شوية على الأرض، وألبس هدوم مريحة، علشان أكون جاهز أقف قدام ربنا، وبصلي في مكان محدد في بيتي."

كما أشار إلى أنه لا يتقاضى أجرًا مقابل تقديم أي برنامج ديني، قائلًا:"لو قدمت برنامج ديني مش هاخد عليه فلوس، ومش هقول السبب علشان مزعلش حد. زمان كنت بقدم فقرة دينية ثابتة مع أحد علماء الأزهر، ومكنتش باخد ولا جنيه."

واختتم مدكور حديثه بذكر موقف مؤثر من العمرة:"كنت في العمرة وقلت يا رب وريني إنك بتحبني، وبعدها اكتشفت إني عندي سرطان قولون. وقتها الناس طمنتني بحبها، ناس وقفت طوابير في رمضان علشان تسأل عني، وستات من الأرياف جابولي حلل محشي، وأطفال رسميني سوبر مان... المحنة دي عرفتني قيمة حب الناس."