قالت الفنانة دنيا سامى انا عملت بعد "فى بيتنا روبوت" شوية حاجات مع شيكو وكريم "نور خالد" وعملت بالطوا والنص، وهشام كان شافنى فى مسلسل عوالم خفية وكنت باعتاله رسالة من 2016 وبعتله رسالة فى 2019 وقاللى أنا بحبك جدا وإن شاء الله أديكى دور وكان واثق فيا جدا وأول واحد ادانى دور بطولة وكان مؤمن بيا جدا وأعطانى الفرصة كاملة بعدها عملت بالطوا "ألفت قصة ".

وأضافت خلال لقائها مع الفنانة والإعلامية إسعاد يونس فى برنامج صاحبة السعادة المذاع على قناة dmc: عملت كام حاجة مختلفة وى نفس السنة اللى عملت فيها فى بيتنا روبوت وكان منهم كامل العدد، والمخرج وليد الحلفاوى كانت ثقته كبيرة فيا جدا وادانى دور مهم.

وتابعت كنت حاسة وانا صغيرة انى كاريزما وبحس أن الناس بتبص عليا واتعلمت الطبلة فى مدرسة الدرب الأحمر للفنون وأنا عندى 16 سنة وابن خالى كان عازف سيكسفون وعزمنى على حفلة وقولتله إنى فاضية فى الإجازة ودخلونى قسم الآلات النحاسية وبقى وجعنى فى أول يوم وقولتلهم أنا هلعب طبلة.