تحدثت الفنانة ياسمين صبري عن تفاصيل دورها في فيلم «المشروع X»، الذي تشارك في بطولته إلى جانب النجم كريم عبد العزيز، معبرة عن حماسها الشديد لخوض تجربة جديدة من نوعها في عالم الأكشن.

وقالت ياسمين في تصريحات تليفزيونية: "المخرج بيتر ميمي كان حريص دايمًا إني ألتزم بالشخصية، وكان دايمًا يقولي ما أخرجش برا الدور، خصوصًا إن صوتي أوقات بيرتفع، فكان بيوجهني أتكلم بنبرة أعمق، وده مش طبعي. الشخصية اللي بلعبها كلامها قليل، لكن كل حاجة فيها بتتقال بالأكشن، وده نوع جديد تمامًا عليّ. حسيت إنه الدور المناسب في الوقت المناسب، وحبيت الأكشن جدًا."

وعن مشاركتها في دراما رمضان، أكدت ياسمين: "عمري ما قدمت عمل على منصة، لأني بحب أكون موجودة في موسم رمضان، بحس إنه الحدث الأهم في السنة، زي الشامبيونزليج كده الناس كلها بتبقى مستنية مسلسلات رمضان وإعلاناته، وأنا بحب أكون جزء من ده. وخارج رمضان وقتي بيكون مشغول بأعمال تانية سواء تصوير أفلام أو ارتباطات تجارية، فمش بلاقي وقت للمنصات، رغم إنها المستقبل."

وتطرقت ياسمين إلى سبب تأخر ظهورها على خشبة المسرح، قائلة: "بخاف من المسرح، بحس إنه محتاج تحضير كبير وخبرة، وأنا لسه شايفة نفسي في مرحلة التأسيس، فالمسرح متأجل شوية لحد ما أحس إني جاهزة فعلاً."

يُذكر أن فيلم «المشروع X» يضم نخبة من النجوم، أبرزهم كريم عبد العزيز، إياد نصار، أحمد غزي، عصام السقا، مع ظهور مميز لعدد من ضيوف الشرف، منهم هنا الزاهد وماجد الكدواني. الفيلم من تأليف وإخراج بيتر ميمي.