علّقت الإعلامية لميس الحديدي ، على أزمة حاجزي أراضي المرحلة الثامنة بمشروع " بيت الوطن" للمصريين العاملين في الخارج، في منطقة مثلث الأمل (التجمع السادس حاليًا)، بعد الإعلان عن طرح وحدات سكنية ضمن مشروع تابع لشركة Hyde Park على نفس الموقع المخصص رسميًا للمغتربين منذ أغسطس 2022.

 وقالت لميس الحديدي ، إنة لو كنا نريد أن نجذب المصريين في الخارج، ونقول إننا قمنا بمبادرة السيارات التي أخذت وقتًا طويلًا بين التعديل والنجاح، و نجحت؟ ولو كنا بنقول عايزين نزود تحويلات المصريين في الخارج، وهي بتزيد بشكل ممتاز وزادت بنسبة 70% عن الفترة المماثلة العام الماضي، فلو عايزين نجذبهم للاستثمار في مصر، لابد من الالتزام. العقد شريعة المتعاقدين. 

وتابعت  الاعلامية لميس الحديدي ، خلال تقديمها حلقة جديدة من برنامجها "كلمة أخيرة" على شاشة ON، قائلة:"لما بدأ مشروع بيت الوطن، الكل شارك في االاشادة  به، لأنه من المفترض أنه مخصص للعاملين في الخارج. إزاي الناس هتثق فيك؟ إزاي تاخد منهم مقدم حجز وتديهم موقع ولوكيشن ومخطط وهم مسافرين، وبعدين يفاجَأوا بتغيير مكان المخطط؟ حتى لو في أي مشكلة أو منفعة أو جه مستثمر كبير – رغم إن ده غير منطقي وغير قانوني – على الأقل لازم تستشير الحاجزين أولًا."

وواصلت:"هذه هي الثقة بين المواطن والحكومة، وعلشان كده ماتزعلوش لو المواطن راح يشتري من شركات تطوير عقاري تابعة للقطاع الخاص، والناس تقول الحكومة ممكن تغيّر رأيها."

وتساءلت:"هل إحنا عاوزين المصريين في الخارج يضخوا فلوسهم في استثمارات ولا تحويلات بس لأهاليهم؟ هذا هو السؤال اللي ترد عليه وزارة الإسكان. وإحنا حاولنا الاتصال بوزارة الإسكان ولم ترد."