صرّح الدكتور أحمد نجل الفنان القدير عبد الرحمن أبو زهرة، أن والده يتمتع بصحة جيدة ومستقرة منذ فترة، نافياً وجود أي مشاكل صحية مقلقة في الوقت الحالي.

وأوضح أحمد أبو زهرة خلال مداخلة هاتفية مع الإعلامية نهال طايل عبر برنامج تفاصيل المذاع على قناة صدى البلد 2، قائلاً: "بابا الحمد لله صحته زي الفل ومستقره بقى لها فترة، والحمد لله يعني مفيش أي مشاكل صحية، غير الحاجات البسيطة بتاعة دور برد، وبقاله فترة الحمد لله تمام وزي الفل".

وتحدث أحمد عن اللفتة الإنسانية التي قام بها الرئيس عبد الفتاح السيسي تجاه والده، قائلاً:"طبعاً اللفته الانسانية بأن سيادة الرئيس يتواصل معاه، وكل فترة بيتواصل معاه عشان يطمئن عليه، دي أكيد بتأثر بشكل إيجابي على نفسيته جدًا".

وأكد أحمد أبو زهرة، على أن اتصال الرئيس السيسي، ليس الأول من نوعه، قائلاً:" الرئيس السيسي تواصل معاه قبل كده وسأل عليه، والحقيقة يعني كل مرة الوالد بيكون في غاية السعادة، ويقعد يتكلم عن الموضوع ده أسبوعين تلاتة بعديها، يفضل يتكلم ويقول وقال لي وحصل إيه، وأي حد يجي يزوره لازم يقعد يحكي له، وبيبقى مستغرب وهو شايف إنه ده كثير عليه".