شهدت قرية ديبو عوام ، التابعة لمركز المنصورة بمحافظة الدقهلية، واقعه مؤسفة ومحزنة، حيث قام عدد من الأشخاص بهدم مقبرة تضم ثلاثة متوفين من أسرة واحدة ، وقاموا بنثر عظامهم أمام المقابر الأخرى ، وسط حالة من الحزن والألم من أسر المتوفيين وأهالي القرية، وذلك لسبب غريب وهو 2سم من مساحة المقبرة ادعوا تعديهم عليها.
" صدى البلد" التقى بعدد من أبناء وأسرة المتوفيين، حيث قال ابن شيخ القرية سابقا محمد عبد اللطيف، إنه حزين لما حدث، حيث فؤجى وباقي الاسرة والجيران بما حدث وهدم المقبرة وقيام المتهمين بإلقاء عظام المتوفيين على طريق المقابر بصوره مؤسفة ومحزنة وتعجب مما حدث.

 وقال: " كل اللي حصل ده عشان 2 سم، هو ايه اللي بيحصل في الدنيا هي الناس بقت عاملو كده ، ليه ناس ماتت ضميرهم ، ازاي يعملوا كده فى التلاته  منهم طفل متوفي الناس دي ما تعرفش حق ولا تعرف ربنا أنا مش عارف إيه اللي بيحصل أنا  مصدوم اللي حصل".

وأضافت ابنة شقيق وجدي عبد اللطيف المتوفى : أنا مش مصدقة إن هم عملوا في عمي كده ، ازاي قلبهم قدر يعمل حاجه زي دي حرام حرام اللي حصل أنا عايزة حق عمي وجدي والطفل الصغير ده اللي عظامهم  مرميه، احنا خايفين إن هما يؤذونا ثاني بعد ما اتقبض عليهم ورجعوا خرجوا واحنا عايشين في قلق لانهم ممكن يؤذونا احنا كمان، اذا كان اذى الميتين امال هيعملوا ايه في الاحياء حسبنا الله ونعم الوكيل".

وقالت الحاجة أم محمد إحدى جيرانهم: " أنا مش مصدقة اللى حصل، احنا في قرية عبارة عن اوضة وصالة،  في الفرح سوا في الحزن سوا وفي الحزن قبل الفرح ازاي قدروا يعملوا حاجة زي دي ازاي يهون عليهم الميتين دول ، ويعملوا فيهم كده حسبنا الله ونعم الوكيل ".

وقام  7 أشخاص بقرية ديبو عوام بالدقهلية،  بهدم مقبرة بداخلها رفات 3 أشخاص وذلك لوجود خلافات بين المتهمين وعائلة أصحاب الجثامين حول ملكية الأرض المقام عليها المقبرة وتمكنت الأجهزة الأمنية من ضبطهم وإحالتهم للنيابة العامة

وتلقت  مديرية أمن الدقهلية، إخطارا من مركز المنصورة يفيدبقيام لشخاص  بهدم مقابر بداخلها رفات موتى داخل قرية ديبو عوام.

وانتقل ضباط  مباحث مركز شرطة المنصورة الى مكان الواقعة، وبالفحص تبين وجود أعمال هدم ونبش قبر بداخله رفات ثلاث موتى من عائلة واحدة .

كما توصلت التحريات الى ان مرتكبي الواقعة  7 أشخاص في القرية باستخدام لودر وهدم المقابر وبداخلها رفات الموتى محمد عبداللطيف"شيخ القرية سابقا"، ووجدي محمد عبداللطيف، وحسن وجيه عبداللطيف، وذلك لوجود خلافات فيما بين أسرة المتوفين ومرتكبي الواقعة حول ملكية الأرض المقام عليها المقابر  وتمكن ضباط مباحث مركز شرطة المنصورة من ضبط المتهمين فى ارتكاب الواقعة، وبمواجهتهم اقروا بإرتكابها لوجود خلافات فيما بينهم وأسرة اصحاب الرفات حول ملكية قطعة الأرض المقام عليها المقبرة.

تحرر عن ذلك المحضر رقم  5138 لسنة 2025 وعرض المتهمين على النيابة العامة.

لبنك البث