كشف الفنان صالح عبد النبي في لقاء خاص لموقع صدي البلد الإخباري عن موقف صعب تعرض له أصيب بسببه بالاكتئاب لمدة عامين.

وقال الفنان صالح عبد النبي، من 13 سنة كان عندي صالون حلاقة و كان حد صاحبي جدا وكانت حالته صعبة شوية، وكان عايز ياخد قرض من البنك و عايز  ضمان و عايز حد يضمنه وأنا معرفتش اضمنه غير إني اكتب له المحل باسمه إن هو اشتراه مني بورق شرعي.

وأضاف "عملت له الورق و خلاص المحل بتاعه، بعدها بيومين لقيت واحدة ست بتدخل المحل بتقولي إنت بتعمل ايه في المحل بتاعي، كانت صدمة ليا أنه نصب عليا وسافر وفضلت مكتئب سنتين، ولغاية دلوقتى المحل دا جنب بيت أهلي ولما بروح لازم بشوفه.

استطرد صالح عبد النبي “مشكلتي أني طيب.. صاحب صاحبي بس بقي عندي حذر و باخد بالي، وفتحت من أسابيع صالون حلاقة رجالي في الزمالك جديد، وقررت أرجع أحقق حلم عندي”.

يذكر أن شارك الفنان صالح عبد النبي في مسلسل كامل العدد++ و الذي عرض في مارثون دراما رمضان 2025 .

مسلسل "كامل العدد ++" مكوّن من 15 حلقة، وهو من بطولة:
دينا الشربيني، شريف سلامة، إسعاد يونس، إنجي المقدم، ميمي جمال، أحمد كمال، أحمد جمال سعيد، سمر علام، عمرو جمال،  صالح عبد النبي ، تميم عبده، جاسيكا حسام الدين، لينا صوفيا بن حمان، حمزة دياب، سيليا، ألفت إمام، حسين فهمي، مريم الخشت و مجموعة كبيرة من النجوم.

المسلسل من تأليف رنا أبو الريش ويسر طاهر، ومن إخراج خالد الحلفاوي.